येरमाळा प्रतिनिधी (सुधीर लोमटे) –
धाराशिव जिल्हा परिषदेचे मुख्य कार्यकारी अधिकारी मयांक घोष यांच्या संकल्पनेतून बीट स्तरावर ‘स्पेलिंग बी’ स्पर्धेचे आयोजन करण्यात आले होते. त्यानुसार येरमाळा बीट मध्ये घेण्यात आलेल्या स्पर्धेत पानगावच्या जिल्हा परिषदेच्या शाळेतील विद्यार्थ्यांनी बाजी मारली आहे. जिल्हा परिषद प्राथमिक शाळा पानगाव येथील तीन विद्यार्थ्यांची तालुका स्तरावर निवड झाली आहे. इयत्ता दुसरी मधील प्रद्युमन परमेश्वर पवार याची द्वितीय क्रमांक मिळवून तालुका स्तरावरील स्पर्धेत निवड झाली तर इयत्ता पाचवी मध्ये शिकत असलेल्या काव्या सुरेश रसाळ हिने द्वितीय क्रमांक मिळवला त्याचबरोबर
पल्लवी सतीश दगडे हिची इयत्ता सातवीमधुन द्वितीय क्रमांक मिळवुन तालुका स्तरावरील स्पर्धेसाठी निवड झाली. या यशाबद्दल विद्यार्थांचे व विद्यार्थ्यांना मार्गदर्शन करणारे मुख्याध्यापक उमानंद भांगे, शिक्षीका श्रीमती रसिका गायकवाड, ज्योत्स्ना मैंदाड, प्रणिता पाटील, साधना देशमुख, शिक्षक महेश गायकवाड यांचे पालकवर्ग आणि ग्रामस्थांकडून अभिनंदन करण्यात आले.
