शांतता व सुव्यवस्था राखुन ऊत्सव साजरा करण्याचे आवाहन
WASHIM | मंगरुळपीर पोलीस ठाण्याच्या वतीने, आगामी गणेशोत्सवाच्या पार्श्वभूमीवर मंगळवारी मंगरुळपीर येथे पोलिसांच्या रुट मार्चचे आयोजन करण्यात आले.पोलीस अधिक्षक यांच्या मार्गदर्शनाखाली,ऊपविभागिय पोलिस अधिकारी विशाल क्षिरसागर आणी पोलिस निरिक्षक कीशोर शेळके,पिएसआय,पोलीस अधिकारी, पोलीस ठाण्याचे कर्मचारी आणि महिला पोलिसांचा रूट मार्चमध्ये सहभाग होता.
गणेशोत्सव आणि येत्या सण-उत्सवांच्या काळात कायदा आणि सुव्यवस्था अबाधित राखण्यासाठी मंगरुळपीर पोलिसांकडून विविध गणेश मंडळांच्या कार्यकर्त्यांशी बैठका घेण्यात आल्या. या बैठकीत जिल्हाधिकारी,वाशिम यांनी जाहीर केलेल्या नियमावलीचे पालन करण्याच्या सूचना देण्यात आल्या. तसेच, नियमांचे उल्लंघन करणाऱ्या मंडळांवर कायदेशीर कारवाई करून गुन्हे दाखल करण्यात येतील, असा इशारा पोलीसांनी दिला आहे.दरम्यान, बुधवारी गणपतीची स्थापना होणार असल्याने, मंगळवारी मंगरुळपीर शहरामध्ये रूट मार्च पार पडला. या रूट मार्चदरम्यान मंगरुळपीर बाजारपेठ,दर्गा परिसर रोड,सेवा रस्ते, लोकवस्ती परिसर, अंतर्गत रस्ते, मार्ग आणि सेवा रस्त्यांवरून पोलिसांनी संचलन केले. या रूट मार्चमध्ये पोलीस अधिकारी व कर्मचारी मोठ्या संख्येने उपस्थित होते.
फुलचंद भगत
मंगरुळपीर/वाशिम
मो.8459273206