- राष्ट्रवादी काँग्रेस शरद पवार गटाकडून उमेदवारी; प्रस्थापित नेत्यांसमोर मोठे आव्हान..!
उमरखेड प्रतिनिधी (दि. १८ नोव्हेंबर)
यवतमाळ: उमरखेड नगरपरिषद निवडणुकीच्या पार्श्वभूमीवर शहराच्या राजकारणात अनेक महत्त्वाच्या घडामोडी पाहायला मिळत आहेत. राष्ट्रवादी काँग्रेस शरद पवार गटाकडून प्रभाग क्रमांक तीनमध्ये हाजी मोहम्मद इरशाद आणि नागरिकांचा मागास प्रवर्ग महिला गटातून उजमा अंजुम शेख शरीफ उर्फ सद्दाम यांनी नामांकन दाखल केल्यामुळे प्रभाग क्रमांक तीनमधील राजकारण चांगलेच तापले आहे.
सामाजिक कार्यकर्त्यांचे आव्हान
हाजी मोहम्मद इरशाद हे मागील अनेक वर्षांपासून सामाजिक कार्याच्या क्षेत्रात अहोरात्र काम करणारे चेहरा म्हणून ओळखले जातात.उमेदवारी अर्ज दाखल करण्याच्या शेवटच्या दिवशी हाजी इरशाद यांनी नामांकन अर्ज दिल्याने या वार्डातील प्रस्थापित नेत्यांसमोर एक मोठे आव्हान उभे राहिले आहे.
प्रभाग क्रमांक तीनमध्ये सध्या दररोज वेगळे चित्र पाहायला मिळत आहे. या निवडणुकीचे अंतिम चित्र ३ डिसेंबर रोजी स्पष्ट होईल, परंतु सध्या हा प्रभाग लक्षवेधी ठरत आहे.
प्रतिनिधी ताहेर मिर्ज़ा,
एनटीव्ही न्यूज मराठी, उमरखेड, यवतमाळ.