- आंबेडकरवादी विश्व साहित्य संमेलनात मांडणार विचार..!
- डॉ. बाबासाहेब आंबेडकर आंतरराष्ट्रीय पुरस्काराने होणार सन्मानित..!
जाफराबाद प्रतिनिधी | दि: १५ मार्च २०२६
जालना: जाफराबाद येथील सिद्धार्थ कला, वाणिज्य व विज्ञान महाविद्यालयाचे नूतन प्राचार्य प्रा. डॉ. राहुलजी म्हस्के आणि त्यांच्या सुविद्य पत्नी डॉ. सविता राहुल म्हस्के यांची व्हिएतनाम येथे होणाऱ्या सहाव्या आंबेडकरवादी विश्व साहित्य संमेलनासाठी निवड झाली आहे. जागतिक आंबेडकरवादी साहित्य मंडळाच्या वतीने २१ व २२ मार्च २०२६ रोजी व्हिएतनामची राजधानी ‘हनोई’ येथे या भव्य संमेलनाचे आयोजन करण्यात आले आहे.
जागतिक व्यासपीठावर मांडणार प्रभावी विचार
या विश्व साहित्य संमेलनात डॉ. राहुल म्हस्के हे “जागतिक महायुद्ध आणि आंबेडकरवादी लेखकांची भूमिका” या विषयावर आपले अभ्यासपूर्ण विचार व्यक्त करणार आहेत. यासोबतच संमेलनात होणाऱ्या खालील महत्त्वाच्या चर्चासत्रांमध्येही त्यांचा सहभाग असेल:
- आंबेडकरवादी विश्व साहित्य आणि जगातील वंचितांचे प्रश्न.
- आंबेडकरवादी स्त्रीवाद आणि जगातील इतर स्त्रियांचे साहित्य.
आंतरराष्ट्रीय पुरस्काराने होणार गौरव
डॉ. राहुल म्हस्के आणि डॉ. सविता म्हस्के यांच्या शैक्षणिक व सामाजिक क्षेत्रातील योगदानाची दखल घेऊन त्यांना व्हिएतनाममध्ये ‘डॉ. बाबासाहेब आंबेडकर आंतरराष्ट्रीय पुरस्कारा’ने सन्मानित करण्यात येणार आहे. यापूर्वीही त्यांना संयुक्त अरब अमिराती (दुबई), थायलंड आणि बँकॉक येथील आंतरराष्ट्रीय परिषदांमध्ये गौरवण्यात आले आहे.
मान्यवरांकडून कौतुक व शुभेच्छा
या आंतरराष्ट्रीय दौऱ्यासाठी आणि निवडीबद्दल डॉ. म्हस्के यांचे सर्व स्तरांतून अभिनंदन होत आहे:
- संस्था पदाधिकारी: सिल्लोड शिक्षण संस्थेचे संस्थापक अध्यक्ष मा. दादासाहेब म्हस्के, उपाध्यक्ष मा. भारतभाऊ म्हस्के, कोषाध्यक्ष मा. सुनीलभाऊ म्हस्के.
- महाविद्यालय परिवार: सिद्धार्थ महाविद्यालयाचे उपप्राचार्य, सर्व प्राध्यापक, शिक्षकेतर कर्मचारी आणि संस्थेच्या सर्व हायस्कूलमधील कर्मचारी वृंद.
शैक्षणिक, सामाजिक आणि राजकीय क्षेत्रातील मान्यवरांनी डॉ. राहुल म्हस्के यांच्या या यशस्वी वाटचालीबद्दल त्यांचे कौतुक केले असून, जागतिक स्तरावर जाफराबादचे नाव उंचावल्याबद्दल समाधान व्यक्त केले आहे.
वृत्त संकलन: राहुल गवई, प्रतिनिधी, जाफराबाद (जालना).