- जे. टी. महाजन स्कूलमध्ये पोळा सण
- विद्यार्थ्यांनी उत्साहात बैलपोळा साजरा केला
- मातीच्या बैलांचे विधिवत पूजन
- विद्यार्थ्यांनी शेतकरी पोशाखात वेधले लक्ष
- चिमुकल्यांनी पोळा सणाची माहिती दिली
- शिक्षक कर्मचाऱ्यांच्या सहकार्याने कार्यक्रम यशस्वी
JALGAON | यावल येथील जे. टी. महाजन स्कूलमध्ये बैलपोळा सण मोठ्या उत्साहात साजरा करण्यात आला. मातीच्या बैलांचे पूजन करून विद्यार्थ्यांनी पोळा सणाचे महत्त्व जाणून घेतले.
कार्यक्रमाच्या अध्यक्षस्थानी दिपाली धांडे होत्या. प्राचार्या रंजना महाजन आणि पर्यवेक्षिका राजश्री लोखंडे यांची कार्यक्रमाला उपस्थिती होती. त्यांच्या हस्ते मातीच्या बैलांचे पूजन करण्यात आले आणि बैलांना नैवेद्य अर्पण करण्यात आला.
सुजाता पाटील यांनी विद्यार्थ्यांना पोळा सणाबद्दल माहिती दिली. तसेच शाळेतील Sr. KG इंग्लिश मीडियमच्या चिमुकल्या विद्यार्थ्यांनीही पोळा सणाबद्दल माहिती सांगितली. काही विद्यार्थ्यांनी शेतकरी पोशाख परिधान करून सर्वांचे लक्ष वेधून घेतले.
त्यानंतर डिंपल इंगळे यांनी आभार प्रदर्शन केले, तर संपूर्ण कार्यक्रमाचे सूत्रसंचालन श्रद्धा बडगुजर यांनी केले. शिक्षक आणि शिक्षकेतर कर्मचाऱ्यांच्या सहकार्याने हा संपूर्ण कार्यक्रम यशस्वीपणे पार पडला.
एनटीव्ही न्यूज मराठी | यावल, जळगाव