पुणे : सिल्लोड मध्ये कृषी मंत्री अब्दुल सत्तार यांना पत्रकारांनी प्रश्न विचारला असता सुप्रियाताई सुळे यांनी पन्नास खोके हे त्यांच्याकडे असतील म्हणून त्यांनी ऑफर दिली. त्याला अब्दुल सत्तार यांनी उत्तर दिले की सुप्रिया सुळे ही भिकारी आहे तिला खोके देऊ.
महाराष्ट्राच्या खासदार संसदरत्न सुप्रियाताई सुळे यांच्या विषयी एकेरी उल्लेख करून अपशब्द बोलल्याबद्दल महाराष्ट्रातील तमाम राष्ट्रवादीचे कार्यकर्ते हे आक्रमक झाले आहेत. तालुक्यातील बऱ्याच ठिकाणी राष्ट्रवादीच्या कार्यकर्त्यांनी मुख्यमंत्री शिंदे साहेब यांना निवेदन पाठवले आहे,की कृषी मंत्री अब्दुल सत्तार यांनी 24 तासाच्या आत मध्ये सुप्रियाताई सुळे यांची माफी मागावी नाहीतर त्यांचा राजीनामा घ्यावा.
संसदरत्न सुप्रियाताई सुळे यांच्या बद्दल अपशब्द वापरल्यामुळे पुणे जिल्ह्यामधून आणि इंदापूर तालुक्यामधून अब्दुल सत्तार यांचा राष्ट्रवादी काँग्रेस यांच्याकडून निषेध व्यक्त केला जात आहे. एका संसदरत्न खासदार महिला विषयी अपशब्द बोलणे हे शिंदे सरकारला आणि आपल्या संस्कृतीला शोभा न देणारी गोष्ट आहे असे मत संजय गांधी निराधार योजनेचे इंदापूर तालुका अध्यक्ष सागर बाबा मिसाळ यांनी व्यक्त केले आहे.एन टीव्ही न्यूज साठी प्रतिनिधी पल्लवी चांदगुडे पुणे