आमदार रोहित पवार यांच्या पाठपुराव्याला यश
कर्जत/जामखेड ता ८- घरकुल योजनेची प्रभावी अंमलबजावणी करण्यात कर्जत जामखेड तालुक्याने नाशिक विभागात विक्रमी कामगिरी केलीय. ‘अमृत महाआवास’ या योजनेत राज्यभरात २० नोव्हेंबर-२०२२ पासून घरकुलाचे सर्वाधिक उद्दिष्ट पूर्ण करण्यासाठी अभियान राबविण्यात आले होते. या अभियानांतर्गत टप्पे ठरवून त्या टप्प्यांवर घरकुलाची कामे पूर्ण करण्यास प्राधान्य देण्यात आले होते. राज्यभरातील घरकुलांच्या कामांना गती देण्याचा याद्वारे सरकारचा प्रयत्न होता. या अभियानांतर्गत घेण्यात आलेल्या स्पर्धेचा निकाल नुकताच जाहीर झाला असून कर्जत जामखेड तालुक्याने राज्यातील इतर तालुक्यांच्या तुलनेत सरस कामगिरी करत तब्बल ४०३९ घरकुल पूर्ण करून नाशिक विभागात बाजी मारलीय. नाशिक विभागात उल्लेखनीय कामगिरी केलेल्या तालुक्यामध्ये २१४५ घरकुल पूर्ण करून जामखेड तालुका राज्यपुरस्कृत योजनेत प्रथम क्रमांकावर तर १८९४ घरकुल पूर्ण करून कर्जत तालुक्याने प्रधानमंत्री आवास योजनेत तिसरा क्रमांक पटकावला आहे. अशा पद्धतीने विक्रमी टप्पा गाठत कर्जत जामखेड तालुक्याच्या शिरपेचात आणखी एक मानाचा तुरा रोवला गेला आहे.
कर्जत-जामखेडचे आमदार रोहित पवार नागरिकांशी वेळोवेळी संवाद साधून, सरकारी योजना नागरिकांपर्यंत पोचवण्यासाठी कायमच प्रयत्नशील असतात. प्रधानमंत्री आवास योजनेच्या माध्यमातून कर्जत व जामखेडमध्ये बैठका घेऊन त्यांनी वेळोवेळी घरकुलाचे प्रश्न मार्गी लावले आहेत. तसेच नागरिक आणि कर्जतचे गटविकास अधिकारी प्रदीप शेंडगे, जामखेडचे गटविकास अधिकारी प्रकाश पोळ यांच्या वारंवार संपर्कात राहून शासकीय पातळीवर व केंद्र सरकारकडेही त्यांनी घरकुलांबाबत पाठपुरावा केला होता. प्रधानमंत्री आवास योजनेत अपात्र ठरलेल्या नागरिकांना राज्यातील इतर योजनेत घरकुल देण्याचाही आमदार रोहित पवार यांचा सातत्याने प्रयत्न असतो . मागच्या वर्षी देखील घरकूल योजनेत जामखेडचा नाशिक विभागात दुसरा क्रमांक आला होता आणि यावर्षीही जामखेडने प्रथम क्रमांक पटकावला आहे. लोकप्रतिनिधी आणि प्रशासकीय अधिकारी यांच्यात योग्य समन्वय असेल तर नक्कीच अशा पद्धतीची उल्लेखनीय कामगिरी करता येते याचं उत्तम उदाहरण कर्जत-जामखेड मतदारसंघात वेळोवेळी पाहायला मिळत आहे.
कोट..
सामान्य नागरिकांना विविध शासकीय योजनांचा लाभ मिळावा यासाठी माझा सातत्याने प्रयत्न असतो घरकुल योजनेतील जाहीर झालेली आकडेवारी नक्कीच कर्जत-जामखेड मतदारसंघासाठी अभिमानास्पद बाब आहे. याचं संपूर्ण श्रेय हे सर्व शासकीय अधिकारी, कर्मचारी, सरपंच, पदाधिकारी व कार्यकर्ते यांना जातं.त्यांचं मी मनापासून अभिनंदन करतो आणि यापुढेही उर्वरीत अर्जदारांना घरकुलाचा लाभ मिळण्यासाठी मी प्रयत्नशील राहील.
रोहित पवार
(आमदार कर्जत-जामखेड)
प्रतिनिधी नंदु परदेशी जामखेड अ नगर