नगर – जमिनीचा वादातुन सख्या भावाने व पुतण्याने केलेल्या मारहानीच्या खटल्यातुन न्यायालयाने आरोपीस निर्दोष मुक्त केले.
दि. 24/04/2022 रोजी बायपास रोडचे काम चालु असल्याने त्याचा मुरूम रस्त्यावर पडलेला होता. तो सपाट केलेला असल्याने आरोपी व त्याचा मुलगा हे मुद्दाम मुरूम जमा करुन रस्त्यावर दगड टाकत होते. तेव्हा फिर्यादी व आरोपी यांच्यात शाब्दिक वाद झाले. “रस्त्यावर दगड टाकु नका”, असे म्हटल्याचा आरोपीस राग आल्याने त्याने व त्याच्या मुलाने फिर्यादीस दगडाने व काठीने मारहाण करून रक्तबंबाळ केले व वाईट शिवीगाळ करून जिवे मारण्याची धमकी दिली. अशा आशयाची फिर्याद नगर तालुका पोलीस स्टेशन येथे दाखल करण्यात आली होती. संपूर्ण प्रकरणाचा तपास करून पोलीसांनी आरोपी विरोधात कोर्टात चार्जशीट दाखल केले. सदर केसमध्ये सरकार पक्षाच्या वतीने एकुण ८ साक्षीदार तपासण्यात आले.
सदर साक्षीदारांच्या जबावातील विसंगती व आरोपीच्या वतीने ॲड कौस्तुभ कुलकर्णी यांनी घेतलेला उलटतपास तसेच मांडलेला बचाव व युक्तिवाद मे. कोर्टाने ग्राह्य धरून आरोपी विरूद्ध सबळ पुरावा न आल्याने व सरकार पक्ष आरोपी विरूद्ध केस सिध्द न करू शकल्याने मे. कोर्टाने आरोपीची सबळ पुराव्याअभावी निर्दोष मुक्तता केली आहे. आरोपी तर्फे ॲड कौस्तुभ कुलकर्णी व ॲड शिवाजी शिंदे यांनी काम पाहिले.
