औरंगाबाद : मावस भावाला व्हिडिओ कॉल करत एका तरुणाने गळफास घेतल्याचा धक्कादायक प्रकार संभाजीनगरमध्ये समोर आला आहे. या खळबळजनक घटनेचा व्हिडीओही समोर आला आहे. व्हिडीओ कॉल सुरु असतानाच तरुणाने गळफास घेतला. त्यानंतर काही वेळातच त्याचा जीव गेला. नातेवाईकांनी त्याला रग्णालयात दाखल केले मात्र त्याआधीच डॉक्टरांनी तरुणाला मृत घोषित केले.
संभाजीनगच्या मुकुंदवाडी भागात हा प्रकार घडला आहे. अमोल उत्तम खाडे असे आत्महत्या करणाऱ्या तरुणाचे नाव आहे. अमोलने मावस भावाला व्हॉट्सअ‍ॅपवर व्हिडीओ कॉल करत गळफास घेतला. मात्र अमोलने आत्महत्या का केली याचे कारण अद्याप समोर आलेले नाही. पोलिसांनी या प्रकरणाचा पुढील तपास सुरु केला असून आत्महत्येचे कारण शोधले जात आहे