गळफास नसून घातपात:नातेवाईकांनी व्यक्त केला संशय.
(सचिन बिद्री:उमरगा-धाराशिव)
धाराशिवच्या उमरगा तालुक्यातील सावळसुर सज्जाचे तलाठी युवराज नामदेव पवार वय ४० वर्षे यांनी सोमवारी सायंकाळी कोरेगावरोड येथील रस्त्यालगतच्या मुरमे यांच्या शेतात दोरखंडाने गळफास घेऊन आत्महत्या केल्याची घटना समोर आली असताना,मयत तलाठीच्या नातेवाईकाणी ही आत्महत्या नसून घातपात असल्याचा संशय व्यक्त केला आहे.
लातूर जिल्ह्यातील औसा तालुक्यातील नांदुर्गा येथील रहिवासी असलेले युवराज पवार हे उमरगा तालुक्यातील सावळसुर सज्जाचे तलाठी म्हणून कार्यरत होते.सोमवारी दुपारपर्यंत शेतकऱ्यांना सातबारा काढून देण्यासह अन्य प्रशासकीय कामकाज त्यांनी पहिले. तसेच सोबतच्या अनेक सहकारी तलाठी यांच्याशी त्यांचे बोलनेपण झाले. मात्र,सायंकाळी 7 -8 च्या सुमारास कोरेगावरोड लागत असलेल्या मुरमे यांच्या शेतातीत गोठ्यातील आडूला युवराज पवार दोरखंडाने गळफास घेतल्याचे निदर्शनास आले.
पोलिसांना या घटनेची माहिती
मिळताच घटनास्थळी दखल होत पंचनामा केला..यावेळी मयत तलाठीचे गुढगे जमिनीला टेकलेले घटनास्थळी पोहोचनाऱ्यांना निदर्शनास आले.
मयत तलाठी युवराज पवार यांचे नातेवाईक विनायक राठोड यांनी घातपात असल्याचा संशय व्यक्त केला आहे.
सहा सात लाख रुपाये देणं आहे अशी माझ्याकडे आली होती, त्यामुळे कोणाचं देणं आहे याबाबत विचारना केल्यावर तलाठी युवराज पवार यांनी कोणाचेही नाव सांगीतले नाही.. आणि काही दिवसांनी अशी दुर्दैवी घटना समोर आली.पण, फाशी घेतल्यावर ज्या शरीरिक बदल मयताच्या शरीरावर दिसून येतात त्यापैकी कुठलाही बदल घटनास्थळी मयताच्या शरीरावर दिसून आले नाहीत आणि फाशी घेणाऱ्या व्यक्तीचे गुढगे जमिनीपर्यंत टेकलेले दिसून आले. त्यामुळे ही घटना आत्महत्याची नसून घातपात झाला असावा असा आम्हाला संशय येत आहे.पी एम रिपोर्ट ची आम्ही प्रतीक्षा करत आहोत. असं मयत तलाठीचे भाऊजी विनायक राठोड यांनी ntv न्युज मराठीशी बोलताना संशय व्यक्त केले आहेत. विनायक राठोड हे लातूर जिल्हा परिषद मध्ये सेवेत कार्यरत आहेत.
दरम्यान या आत्महत्येचे नेमके कारण काय?अद्याप स्पष्ट झाले नसून आत्महत्या आहे की घातपात? या बाबत महसूल विभागातील कर्मचाऱ्यांत चर्चा रंगताना दिसून येत आहे.
मंगळवारी दुपारी नांदुर्गा येथे युवराज पवार यांच्या पार्थिवावर शोकाकुल वातावरणात अंत्यसंस्कार करण्यात आले आहे.