‘महसुल पंधरवडा’ कार्यक्रमाचा विसर वृत्त झडकताच मंगरुळपीर तहसिलदार यांची कर्तव्यतत्परता,स्वच्छता अभियानासह विविध कार्यक्रम सुरु

लोकाभिमुक कामांचा निपटारा करण्यासाठी ‘महसुल पंधरवडा’ साजरा करण्याचे आहेत आदेश

तहसिलदार रवि राठोड यांचेकडे प्रभार येताच लोकाभिमुख प्रशासन सुरु

फुलचंद भगत
वाशिम:-महसुल दिनानिमित्त लोकाभिमुख कामांचा निपटारा करण्यासाठी ‘महसुल पंधरवडा’ साजरा करण्याचे आदेश असतांनाही मंगरुळपीर येथील महसुल विभागाला माञ या महसुल दिनाचा विसर पडलेला दिसत आहे असे वृत्त झळकताच तहसिलदार सुट्टीवर गेल्या आणी श्री.रवि राठोड यांचेकडे मंगरुळपीर तहसिलदारपदाचा प्रभार येताच त्यांनी प्रथम तहसिल कार्यालय आणी परिसराची स्वतः आणी कर्मचार्‍यासह साफसफाई करुन स्वच्छता अभियान राबवले तसेच विविध कार्यक्रमाव्दारे महसुल पंधरवडा कार्यक्रमाला चालना देवुन लोकाभिमुख प्रशासनाला गती आनली.

महसुल पंधरवड्यामध्ये घ्यावयाच्या कार्यक्रमाची दि.१ आॅगष्ट रोजी कुठलीही सुरुवात,जनजागृती आणी प्रसिध्दी माध्यमावरही कोणतीही प्रसिध्दी नसल्यामुळे महसुल दिनाचीच मंगरुळपीरच्या महसुल पंधरवड्याचा विसर तर पडला नाही ना?असा प्रश्न सर्वांना पडलेला होता.असा गलथान कारभार असल्यास जनतेने या विभागाकडुन लोकाभिमुख कामांची तरी अपेक्षा कशी करावी असाही प्रश्न यानिमित्ताने ऊपस्थीत होत होता.याबाबतीत वृत्त प्रकाशीत झाले आणी प्रशासन खडबडुन जागे झाले.परंतु मंगरुळपीरच्या तहसिलदार या रजेवर गेल्या.त्यानंतर आपल्या कर्तव्यकठोर आणी कर्तव्यदक्ष तहसिलदार म्हणून छाप पाडलेल्या श्री.रवि राठोड यांचेकडे तहसिलदार पदाची जबाबदारी आली.त्यांनी तात्काळ महसुल पंधरवाड्याचे जनजागृतीपर आणी माहीतीपर बॅनर पोष्टर लावले.स्वतः हातात झाडु घेवुन कार्यालय आणी परिसराची साफसफाई केली.शेलुबाजार येथे यानिमित्य कार्यक्रम घेतला.युवकांना मार्गदर्शन शिबीरही पार पाडले.यापुढचेही कार्यक्रम मोठ्या ऊत्साहात साजरे करुन लोकाभिमुख प्रशासनाला गती देण्याचा मानस त्यांनी व्यक्त केला.

असा आहे महसुल पंधरवडा कार्यक्रम

दि.1 आॅगष्ट
महसूल दिन साजरा करणे व महसूल पंधरवडा,मुख्यमंत्री – माझी लाडकी बहीण योजना

दि. २ ऑगस्ट
मुख्यमंत्री युवा कार्य प्रशिक्षण योजना

दि. ३ ऑगस्ट
मुख्यमंत्री तीर्थ दर्शन योजना

दि. ४ ऑगस्ट
स्वच्छ व सुंदर माझे कार्यालय

दि. ५ ऑगस्ट
कृषी मार्गदर्शन आणि सलोखा योजना व अभय योजना मार्गदर्शन कार्यशाळा

दि. ६ ऑगस्ट
शेती, पाऊस, दाखले आणि नोंदणीकृत मुळ दस्त परत करणे

दि. ७ ऑगस्ट युवा संवाद

दि. ८ ऑगस्ट महसूल जन संवाद

दि. ९ ऑगस्ट महसूल ई-प्रणाली

दि. १० ऑगस्ट
सैनिक हो तुमच्यासाठी

दि. ११ ऑगस्ट आपत्ती व्यवस्थापन मार्गदर्शन

दि. १२ ऑगस्ट
एक हात मदतीचा दिव्यांगांच्या कल्याणाचा

दि. १३ ऑगस्ट महसूल अधिकारी / कर्मचारी यांचेसाठी संवाद व प्रशिक्षण

दि. १४ ऑगस्ट
महसूल पंधरवडा वार्तालाप

दि. १५ ऑगस्ट
महसूल संवर्गातील कार्यरत / सेवानिवृत्त अधिकारी / कर्मचारी संवाद उत्कृष्ट अधिकारी / कर्मचारी पुरस्कार वितरण व महसूल सप्ताह सांगता समारोह

प्रतिनीधी:-फुलचंद भगत
मंगरुळपीर/वाशिम
मो.8459273206