DHARASHIV| उमरगा शहरांत मागील ब-याच कालावधी पासून शहर व परिसरात दुचाकी चोरीस जाण्याच्या घटना मोठ्याप्रमाणात घडत होत्या, उमरगा पोलीस ठाण्यात वारंवार दुचाकी चोरीच्या तक्रारी येत होत्या. त्या अनुषंगाने पोलीस निरीक्षक अश्वीनी भोसले यांनी या प्रकरणाचा छडा लावण्याकरीता विविध प्रकारच्या युक्त्या लढवल्याने परराज्यातील दुचाकी चोरास पकडण्यात उमरगा पोलीसांना यश आले.
सविस्तर वृत्त मागील कांही कालावधी पासुन उमरगा पोलीस ठाण्याच्या हद्दीत दुचाकी सायकल चोरीचे प्रकार मोठ्याप्रमाणात घडत असल्याने पोलीस निरीक्षक अश्विनी भोसले व गुन्हे प्रकटीकरण पथकातील अंमलदार हे दि. 3 जुलै रोजी पो.स्टे. हद्दीत मोटार सायकल चोरीचे गुन्हयातील आरोपी व मोटार सायकलचा शोध घेत असताना, गुप्त बातमी मिळाली की, भारतीय स्टेट बैंक शाखे समोर एक इसम होन्डा यूनिकॉर्न मोटार सायकलवर संशयीतरित्या फिरत आहे अशी माहिती मिळाता क्षणी संबंधित ठिकाणी जावुन खात्री केली असता, कुमार थॉमस अकुला वय 32 वर्षे रा. कपराला थिप्पा, ता. बोगेले जि. नेल्लुर राज्य आंधप्रदेश हा संशयीतरित्या थांबलेला मिळुन आल्याने त्यास त्याच्या ताब्यातील होन्डा युनिकॉर्न मोटार सायकलचे कागदपत्राबाबत चौकशी केली असता तो उडवा उडवीचे उत्तरे देवु लागल्याने सदर मोटार सायकलचा संशय आला. मोटार सायकल बाबत ऑनलाईनव्दारे खात्री केली असता सदर मोटार सायकल पो.स्टे. कोरत्तुर जि. रंडहिल्स राज्य-तामीळनाडु सीएसआर नं. 515/2025 या गुन्हयातील मोटार सायकल असल्याचे निष्पन्न झाले. त्यास पोलीसी खाक्या दाखवताच त्यांने उमरगा शहरातुन मोटार सायकल चोरल्याचे सांगितल्याने त्यास पो.स्टे. उमरगा गुर.नं 404/2025 गु.र.नं 428/2025, गु.र.नं 357/2025 या गुन्हयात अटक करून त्याची पोलीस कस्टडी घेवुन त्याचेकडुन खालील नमुद वर्णनाचे व किमतीचे मोटार सायकल जप्त केले.
जप्त करण्यात आलेल्या दुचाकी– पो.स्टे.उमरगा गु.र.नं. 357/2025- 25,000 रू. किमतीची TVS Sport मो.सा.क्र.MH-25-AY-6068,पो.स्टे.उमरगा गु.र.नं. 404/2025 — 20,000 रू. किमतीची हिरो HF Deluxe मो.सा.क्रः MH-25-AN-3048,पो.स्टे.उमरगा गु.र.नं. 428/2025– 50,000 रू. किमतीची Honda Unicorn मो.सा.क्र. MH-25-AN-5414,पो.स्टे.निगडी गु.र.नं. 792/2023– 20,000 रू. किमतीची हिरोहोंन्डा CD Deluxe मो.सा.क्र. MH-14-BD-9226,पो.स्टे. कोरत्तुर राज्य-तामीळनाडु सीएसआर नं. 515/2025– 80,000 रू. किमतीची Honda Unicorn मो.सा.क्र. TN-18-W-3316
अशा प्रकारे परराज्यातील आरोपी कुमार थॉमस अकुला वय 32 वर्षे रा. कपराला थिप्पा, ता. बोगेले जि. नेल्लुर राज्य-आंधप्रदेश यास पकडुन त्याने उमरगा पो.स्टे. हद्दीत येवुन चोरलेले वर नमुद गुन्हयातील व इतर जिल्हा व परराज्यातील चोरीच्या गुन्हयातील मोटार सायकल चोरीचे गुन्हे उघडकीस आणुन वरील वर्णनाचे मोटार सायकल आरोपीकडुन हस्तगत करून मोलाची व उल्लेखनीय कामगीरी उमरगा पोलीसांनी केलेली आहे.
सदरची कामगिरी धाराशिव जिल्हा पोलीस अधीक्षक रितु खोकर,अपर पोलीस अधीक्षक शफकत आमना,उपविभागीय पोलीस अधिकारी सदाशिव शेलार यांच्या मार्गदर्शनाखाली, पोलीस निरीक्षक अश्विनी भोसले, पोहेकों वाल्मिक कोळी, पोहेकों शिवलिंग घोळसगांव, पोना यासीन सय्यद, पोकों योगेश बिराजदार, पोकों नवनाथ भोरे यांनी केलेली आहे.
सचिन बिद्री : धाराशिव