- सिद्धार्थ महाविद्यालयात महात्मा ज्योतिराव फुले यांच्या कार्याचे स्मरण.
- उपप्राचार्य प्रो. डॉ. सुनील मेढे यांच्या हस्ते प्रतिमेस पुष्पहार अर्पण.
- सामाजिक न्याय, समता आणि स्त्री शिक्षणासाठीच्या लढ्याचे उपस्थितांना स्मरण.
- सत्यशोधक चळवळ आणि शोषित समाजाला उभारी देणाऱ्या कार्याचा विशेष उल्लेख.
📚 सिद्धार्थ महाविद्यालयात महात्मा फुले यांच्या विचारांचा जागर 💡
जाफराबाद येथील सिद्धार्थ कला, वाणिज्य व विज्ञान महाविद्यालयामध्ये दिनांक २८ नोव्हेंबर २०२५ रोजी महात्मा ज्योतिराव फुले यांचा स्मृतिदिन साजरा करण्यात आला. कार्यक्रमाची सुरुवात महाविद्यालयाचे उपप्राचार्य प्रो. डॉ. सुनील मेढे व उपप्राचार्य प्रा. विनोद हिवराळे यांच्या हस्ते महात्मा ज्योतिराव फुले यांच्या प्रतिमेस पुष्पहार अर्पण करून करण्यात आली.
यावेळी आपले विचार व्यक्त करताना महाविद्यालयाचे उपप्राचार्य प्रो. डॉ. सुनील मेढे यांनी सामाजिक न्याय, समता, शिक्षणाचा प्रसार आणि स्त्री शिक्षणासाठी आयुष्यभर लढा देणाऱ्या महात्मा ज्योतिराव फुले यांच्या कार्याचे स्मरण उपस्थितांना करून दिले. पुढे बोलताना ते म्हणाले की, महात्मा फुले यांनी उभारलेली सत्यशोधक चळवळ, स्त्री शिक्षणासाठी मुलींची शाळा तसेच शोषित वंचित समाजाला उभारी देणाऱ्या त्यांच्या कार्याचा विशेष उल्लेख करण्यात आला. आजच्या समाजाने देखील महात्मा फुले यांच्या मानवतावादी दृष्टिकोनातून वागणे आवश्यक आहे, अशी खंत त्यांनी व्यक्त केली. त्याचबरोबर महात्मा फुले यांच्या साहित्यावरही प्रो. डॉ. सुनील मेढे यांनी सखोल प्रकाश टाकला. या कार्यक्रमाचे सूत्रसंचालन व आभार प्रदर्शन प्रो. डॉ. संतोष पहारे यांनी केले. कार्यक्रमास महाविद्यालयातील प्राध्यापक, शिक्षक, शिक्षकेत्तर कर्मचारी मोठ्या संख्येने उपस्थित होते.
एनटीव्ही न्यूज मराठी, जाफराबाद