अवैध कत्तलखान्यावर स्थानिक गुन्हे शाखेची कारवाई.”
धाराशिव जिल्ह्यातील स्थानिक गुन्हे शाखेचे पोलीस निरीक्षक विनोद इज्जपवार यांना दि.13.07.2025 गुप्त बातमीदारमार्फत माहिती मिळाली की, धाराशिव शहरातील रसुलपुरा येथील अलीम कुरेशी यांचे घराचे बाजूस कंपाउडचे आतमध्ये गोवंशीय जनावरांची कत्तल करत आहे. व त्याचे घराचे पाठीमागे वाहनामध्ये कत्तलीसाठी गायी आणलेल्या आहेत. तसेच कुरेशी समाजाच्या मोकळ्या जागेत कत्तलीसाठी गायी बांधलेल्या आहेत अशी बातमी मिळाल्यावरुन पोलीस पथकाने वैराग नाका ते भिमनगर कडे जाणारे रोडवर अलीम कुरेशी यांचे घराचे पाठीमागील कुरेशी समाजाचे मोकळ्या जागेजवळ 07.40 छापा टाकला असता तेथे चार वाहने उभी दिसली तसेच मोकळ्या जागेत तीन जर्शी गायी बांधलेल्या दिसल्या तसेच अलीम कुरेशी याचे घराचे बाजूस असलेल्या कंपाउंडमध्ये गोवंश जातीचे मांस दिसून आले. तेथे जवळच जनावरे कापण्यासाठी एक लोखंडी सत्तुर, एक सुरी व एक मांस अडकवण्यासाठीचा लोखंडी आकडा दिसुन आला तसेच पथकाने मांसा जवळ उभा असलेल्या व्यक्तीस त्याचे नाव गाव विचारता त्याने त्याचे नाव- अलिम मजिद कुरेशी वय 38 वर्षे, रा. रसुलपुरा, धाराशिव असे सांगितले.तसेच पथकाने नमुद ठिकाणी लावलेले दोन आयशर टेम्पो व पिकअप ची पाहणी केली असता आयशर क्र एमएच 45-0927 चा चालकास त्याचे नाव गाव विचारले असता त्याने त्याचे नाव मुज्जमिल शाकीर शेख, वय 20 वर्षे, रा. पंचवटी स्टॉप, अकलुज ता. माळशिरस जि. सोलापुर असे सांगितले. त्यात 13 काळ्या पांढऱ्या रंगाच्या जर्शी गायी दिसुन आल्या. तसेच जवळच उभा असलेला पिकअप क्र एमएच 12 ईक्यु 3778 चा चालकास त्याचे नाव गाव विचारले असता त्याने त्याचे नाव इंद्रजित विश्वास पैठणकर, वय 37 वर्षे, रा. मालेगाव बुद्रुक, आयआरआर कॉलनी, मालेगाव ता. बारामती जि.पुणे असे सागिंतले. त्यात 4 तांबड्या पांढऱ्या रंगाच्या जर्शी गायी व 25 लहान वासरे दिसुन आले. तसेच बाजसू उभा असलेला आयशर टेम्पो क्र एमएच 12 एआर 9825 मध्ये 8 काळ्या पांढऱ्या रंगाच्या 8 गायी व एक कारवड असे एकुण 09 जनावरे दिसुन आली. यावर पथकाने गायी व वासरे असे एकुण 51 जनावरे व 405 किलो मांस दोन आयशर टेम्पो व पिकअपसह एकुण 43,61,000 ₹ किंमतीचे जप्त करुन पुढील कार्यवाही कामी नमुद मुद्देमालासह आरोपी नामे-अलिम मजिद कुरेशी, वय 38 वर्षे, मुज्जमिल शाकीर शेख, वय 20 वर्षे, इंद्रजित विश्वास पैठणकर, वय 37 वर्षे, यांना धाराशिव शहर पोलीस ठाणे येथे हजर केले आहे.
सदरची कामगीरी मा. पोलीस अधीक्षक, श्रीमती रितु खोखर, अप्पर पोलीस अधीक्षक श्रीमती शफकत आमना यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, धाराशिव शहर पोलीस ठाण्याचे पोलीस निरीक्षक- श्री. दराडे, स्था.गु.शा. सहाय्यक पोलीस निरीक्षक अमोल मोरे, पोलीस हावलदार-समाधान वाघमारे,विनोद जानराव, दयानंद गादेकर, बळीराम शिंदे, बबन जाधवर, अशोक ढगारे, चालक पोलीस हावलदार- विजय घुगे, पोलीस ठाणे धाराशिवचे पोलीस हावलदार- आडगळे, पोलीस अमंलदार- राम कनामे, दंगा काबु पथक, जलद प्रतिसाद पथकाचे पोलीस अधिकारी अमंलदार यांच्या पथकाने केली आहे.
प्रतिनिधी आयुब शेख धाराशिव