- मोरगावच्या सक्षम सचिन यादवने राज्यस्तरीय गोळाफेक स्पर्धेत द्वितीय क्रमांक पटकावला.
- या कामगिरीमुळे सक्षमची राष्ट्रीय स्पर्धेसाठी निवड झाली आहे.
- सक्षमने चार किलोचा गोळा $13.64$ मीटर फेकत राज्यात दुसरे स्थान मिळवले.
- जिद्द, चिकाटी आणि योग्य मार्गदर्शनामुळे यशाला गवसणी घालता येते, याचे सक्षम उत्तम उदाहरण.
मोरगाव, ता. बारामती येथील रयत शिक्षण संस्थेच्या मयुरेश्वर माध्यमिक विद्यालयातील विद्यार्थी कु. सक्षम सचिन यादव याने राज्यस्तरीय गोळा फेक स्पर्धेत द्वितीय क्रमांक पटकावला आहे. या उल्लेखनीय कामगिरीमुळे त्याची राष्ट्रीय स्पर्धेसाठी निवड झाली असून, परिसरातील नागरिकांनी त्याच्यावर कौतुकाचा वर्षाव केला आहे.
मोरगाव, ता. बारामती येथील माध्यमिक विद्यालयात शिक्षण घेत असलेल्या सक्षम सचिन यादव या विद्यार्थ्याने गोळा फेक स्पर्धेत यशाचा आलेख उंचावत ठेवला आहे. यापूर्वी बारामती तालुक्यातील माळेगाव येथे झालेल्या तालुकास्तरीय गोळा फेक स्पर्धेत त्याने प्रथम क्रमांक मिळवला. त्यानंतर त्याची जिल्हा पातळीवर निवड झाली आणि सर्वच ठिकाणी सक्षमने प्रथम क्रमांक पटकावला होता.
तालुका व जिल्हा पातळीवर चमकदार कामगिरी करून यश मिळवल्यानंतर सक्षम यादव याची विभागीय पातळीवर निवड झाली. त्याही ठिकाणी त्याने यश मिळवत दुसरा क्रमांक मिळवला. त्यानंतर नुकतीच रत्नागिरी जिल्ह्यातील ‘डेरवण’ या ठिकाणी राज्यस्तरीय स्पर्धांचे आयोजन करण्यात आले होते. या स्पर्धेतही सक्षमने जोरदार कामगिरी करत चार किलोचा गोळा $13.64$ मीटर फेकत राज्य पातळीवर दुसरा क्रमांक पटकावून यशाचा आलेख कायम राखून ठेवला.
सक्षम यादवच्या या उत्तुंग यशामुळे त्याची राष्ट्रीय स्तरावरील (देश पातळीवर) निवड झाली आहे. जिद्द, चिकाटी, आत्मविश्वास, शिक्षकांचे मोलाचे मार्गदर्शन आणि कुटुंबाची साथ मिळाल्यानंतर यशाला हमखास गवसणी घालता येते, याचे सक्षम यादव उत्तम उदाहरण ठरला आहे. सक्षमला तालुका पातळीपासून ते जिल्हा पातळी, विभागीय पातळी, राज्य पातळी व राष्ट्रीय पातळीपर्यंतच्या खडतर प्रवासात मयुरेश्वर विद्यालयाचे मुख्याध्यापक अर्जुन कोकरे, पर्यवेक्षिका नंदा नाझीरकर, क्रीडा शिक्षक रमेश शेवते, सहाय्यक शिक्षक अमित आवाळे, प्रसिद्धी विभाग प्रमुख सारिका तांबे यांच्यासह सर्व शिक्षकांचे मोलाचे मार्गदर्शन व सहकार्य लाभले आहे.
मनोहर तावरे (मोरगाव)
एनटीव्ही न्यूज मराठी, बारामती.